Relationship bole toh, 2 complete(not perfect), strong, independent(physically, financially, mentally, emotionally, spiritually) individuals dono ki life aur simplified karne ke liye saath main rehna chahate. Simple!

Phir complete, strong aur independent persons ko relationship main kyun rehna hai? kyuki dono ko bhi sometimes life ki complexity se bahar nikalne ke liye ya complexity kam karne ke liye kisi ka haath kisika saath lagta hai, aur ussi samay shayed relationship ke liye prepare hona chahiye. kyuki usse pehle toh individual ne hi khud ki life uski fullest form, fullest potential tak jeeni chahiye, life ko explore karna chahiye. taki vo khud hi ek complete, strong, independent individual hai uska ehsaas kar paye. Aisa hone se jab vo person relationship main rehne lage toh saame wale person se expectation aur demands bohot kam ho jati. Jo mujhe life se chahiye vo toh main khud ke dam pe bana lunga, aisa kuch karne ki process main kahi stuck bhi ho gaya toh samne wala person jo khud ek complete, strong, independent individual hai vo uska haath, uska saath de hi denga and vice versa.

Samne wale person se happiness extract karna ya mere happiness ke liye samne wala person hi reason hai, yeh mujhe truthful thought nahi lagta. Meri happiness ke liye samne wala kyun jimmedaar hai? Meri happiness kisme hai, vo toh mujhe hi malum karna hoga and vice versa. Samne wale person ko uske zindagi main jisase khushi mil rahi vo usne bindass aur nidar hoke karni chahiye, mujhe jisase khushi milegi main vo karunga, Haa but relationship main hai toh ek dusre ki roles and responsibilities samjha ke bol raha hu main. Main yeh nahi bol raha, ki dusre ke life experience aur life perspective nahi dekhane chahiye atleast open rehna chahiye jisase samne wala person kya kar raha? aur kyun kar raha? yeh samjha main aaye. Open rehne se ek hi hoga, Growth and Progress, vo bhi dono ki! Ignorant rehne se Open rehna kabhibhi achha hi hai.

Jaisa main akele main hu, waisa hi main kisike sath main bhi reh pau usike saath toh relationship main reh paunga aur ussi person ko puchh bhi lunga. Agar koi person ke saath pehle hi restricted lag raha uske saath kyun relation main rehne ki baat karunga. Aur agar waisa person mil bhi gaya toh bhi vo relationship 100% puri tarike se friction less hogi aisa expect karna galat hoga. Do complete, strong, independent individuals relationship main rehne ke baad definitely arguments, jhagade, nauk-jhok toh hogi hi, but dono ka openness aur ek dusre ko accept karne ki tayari kitni hai uspe depend karta hai. Do log jo ek dusre ke saath jaise vo hai, waise hi reh paye aur accept kar paye toh shayed baat bann jaye, but utani freedom, utani space relationship main milna thoda mushkil hai, but still kahi na kahi, koi na koi mil hi jayega.

Uppar jitna likh ke bola vo individuals kab relationship main aa sakte ya kab aana chahiye espe hi bola, but uske baad bhi kuch chize hai.

Relationship main ek dusre ke saath main rehna bole toh kafi himmat bhi chahiye aur endurance bhi. Kadava sach bolne main aur waisa hi kadava sach samne wale person ke mooh se sunn ne ke liye himmat chahiye. Dusra, ek dusre ko judge karne se behtar ya nicha dikhane se behtar face to face communicate karke usko samjhana chahiye aur nahi bhi samjha paye toh samne wale person ki aur uske thought ki respect karni chahiye aur jaisa hai waisa khule haath se open dimag se accept karne main endurance lagta.
Chemistry temporary hoti hai, Compatibility permanent, Romantic period kuch time ke liye hota hai, Respect hamesha rehti hai.

Jitne aas paas ke relations/relationships maine dekhe hai observe kiye hai toh usko dekh ke mujhe aisa lagta hai ki Truth, Communication, Respect aur Openness yahi 4 main pillers hai koi bhi relationship succeed hone main.

© Abhishek Katyare.

18/02/2021

Nashik.

Seeker of truth, who is on the path to becoming a mystic.

Get the Medium app

A button that says 'Download on the App Store', and if clicked it will lead you to the iOS App store
A button that says 'Get it on, Google Play', and if clicked it will lead you to the Google Play store